Vi ser det som ein av våre viktigaste oppgåver å gjera fleire i stand til å halda tradisjonane ved like. Derfor er vi også i år glade for å tilby om lag 80 kurs i ulike fagområde.

Det er så mange ting, som det er spanande å bli med på. Vi kan lokke med fleire kurs innan sølvsmedkunst så som  filigran, emaljering, siselering og støyping i sølv.

Du kan velje mellom 15 forskjellige kurs innan trearbeid: lafting, fleire treskjeringskurs, fleire tredreiingskurs, tægerbinding og ølhønekurs. 

Vi arrangerar 3  kurs med ein av våre fremste utøverar  innan gyllenler, Marit Furulund. Ynskjer du å lære å lage din eigen skinnfell med trykk,  vil Brit Solheim lære deg det.

Innan tekstil kan vi tilby kurs i bunadssaum, møbeltapetsering, nålebinding og knipling.

Av andre tradisjonshandverk kan vi nemne bokbinding, kalligrafi, rosemåling og lasering.

Vi må heller ikkje gløyme våre mattradisjonar. Her finn du kurs i ølbrygging og baking i steinomn og på takke. Bodil Nordjore held kurs i pølser og jolepålegg.

Fullstendig kursoversikt sjekk heimesida vår eller ta kontakt med Ann Mari Jore tlf  35 07 32 92